काठमाण्डौ । राष्ट्रिय आर्थिक सरोकार समाज, नेपालले चौथो राष्ट्रिय अर्थशास्त्री सम्मेलन २०८२ यही मंसिर २७ गते नेपाल प्रज्ञा प्रतिष्ठान कमलादीमा सम्पन्न गरेको छ । सम्मेलनको उद्घाटन समाजका केन्द्रिय अध्यक्ष गंगा बहादुर थापा र स्वागत मन्तव्य महासचिव भिमप्रसाद पन्तले गरेका थिए ।
संस्थाले “स्वाधीन तथा समुन्नत अर्थतन्त्र निर्माणमा हाम्रो अभियान” भन्ने मूल नाराका साथ विगत चार वर्षदेखी निरन्तर रुपमा अर्थशास्त्री सम्मेलन गर्दै आइरहेको छ । यसले स्थापना कालदेखि नै राष्ट्रिय अर्थतन्त्रको क्षेत्रमा सम्बन्धित क्षेत्रका विज्ञहरुसँग छलफल, अन्तरक्रिया, बहश, पैरवी गर्दै युवाको जोस, प्रौढको होस र वरिष्ट व्यक्तित्वहरुको ज्ञानलाई समायोजन गरिरहेको छ ।
राष्ट्रिय अर्थतन्त्रको विकासमा योगदान गर्नु सबै राजनीतिज्ञ, अर्थशास्त्री, प्राज्ञिकवर्ग, खोज अनुसन्धान कर्ता, नीति निर्माणकर्ता, परामर्शदाता, बैंकर, उद्यगी व्यवसायी लगायतका वौद्धिक वर्गको दायित्व हो । यसै दायित्वलाई मनन गर्दै अर्थतन्त्रका समसामयिक मुद्धा र समस्याहरुमा बहस चलाई समाधानका उपायसहित सरकार, राजनीतिक दल तथा नीति निर्माणमा संलग्न निकायहरुलाई कार्यान्वयनको लागि सुझाव दिने उदेश्यले यस वर्षको अर्थशास्त्री सम्मेलन सम्पन्न गरिएको संस्थाका अध्यक्ष गंगा बहादुर थापाले बताएका छन् ।
सम्मेलन बिहान ७ः३० बजेको चिया नास्ता सँगै शुरु भएर बेलुकाको ५ः०० बजे गोलमेच छलफलसँगै समापन भएको थियो । उक्त समयमा डिजिटल अर्थतन्त्र सम्बन्धि सेसन, राजनीतिक विचारधारा र अर्थतन्त्र सम्बन्धि सेसन, दिगो विकास सम्बन्धि सेसन, बैंकिङ्ग सम्बन्धि सेसन गरी चारवटा सेसनमा कार्यपत्र प्रस्तुत गरिएका थिए । प्रस्तुत भएका कार्यपत्रहरुको निचोडलाई गोलमेच छलफलमा प्रस्तुग गरी आएका वास्तविक सुझावहरुलाई कार्यान्वयनका लागि सरकारमा पेश गर्न उक्त छलफल कार्यक्रम गरिएको थियो ।
उक्त अर्थशास्त्री सम्मेलनमा राष्ट्रिय योजना आयोगका पूर्व उपाध्यक्ष, माननीय, अर्थसचिव, सरकारका नीति निर्माण तहका व्यक्तित्वहरु, पूर्व गभर्नर, डेपुटी गभर्नर, विश्व विद्यालयका प्राध्यापक, अर्थशास्त्री, बैंकर्ष, उद्योग व्यवसायी लगायत अर्थतन्त्रको क्षेत्रमा सरोकार राख्ने व्यक्तित्वहरुको उपस्थिति रहेको थियो ।
Discussion about this post