काठमाडौँ । अर्थमन्त्री डा.स्वर्णिम वाग्लेले अहिले सेयर बजार घटेकोमा आतालिनु नपर्ने बताएकाा छन् । आज नेपाल आर्थिक पत्रकार समाज सेजनसँगको छलफलमा अर्थमन्त्री डा.स्वर्णिम वाग्लेले सेयर बजारमा अब सुनौला दिन आउने भन्दै लगानीकर्तालाई ढाडस दिएका छन् ।
“अहिले सरकारले लगानीकर्तालाई धरपकड अभियान चलाएको भनि गलत प्रचार गरेर साना लगानीकर्तालाई आतंकित पार्ने काम भएको छ जुन सत्य नभएको उनको जिकिर छ ।
राष्ट्रिय स्वतन्त्र पार्टीको बाचापत्रका बुँदा ३३ र ३४ कार्यान्वयन गर्ने हो। लगानीकर्ताले अध्ययन गरेहुन्छ, सेयरबजारप्रति हामी कति उदार छौँ।” यो सरकारले २६५ साता काम गर्दैछ, एक साताको समयलाई अहो के गर्ने भन्ने अवस्था होइन, उनले थपे ।
सेयर बजार नेपालका सबैभन्दा बढी व्यवस्थित र पारदर्शी क्षेत्र भएको भन्दै यसक्षेत्रका लगानीकर्तालाई हतोत्साहित गर्ने सरकारको नीति नभएको बताएका छन् ।
पेपरलेस प्रणाली, बैंकमार्फत कारोबार, लाभांश सिधै खातामा, कर प्रणाली स्पष्ट, कसले किन्यो/बेच्यो भन्ने ट्र्याक गर्न सकिने भएकाले यो प्रणाली विश्वसनीय छ भन्दै डा. वाग्लेले सरकारले सेयर बजारलाई डिजिटलाइजेसनको नमूना क्षेत्र को रूपमा लिएको बताए । प्रधानमन्त्रीले पनि अन्य क्षेत्रमा पनि स्टक मार्केटको जस्तो डिजिटलाइजेसन गर्न खोज्नु भएको कुरा उनले बताए ।
स्टक मार्केटमा आएर “सम्पत्ति कहाँबाट ल्यायौ?” भनेर सोध्ने अवस्था छैन। सरकारले धरपकड गर्ने नीति लिएको छैन। यदि कसैले, इन्साइडर ट्रेडिङ, म्यानिपुलेसन, अन्य अनैतिक काम गरेको छ भने विद्यमान कानुन अनुसार मात्र कारबाही हुन्छ।
अर्थमन्त्रीले भने, अहिले प्यानिक हुन आवश्यक छैन। आगामी दिनहरूमा सेयर बजार सुधारका लागि पनि काम हुनेछ ।अर्थमन्त्री डा. वाग्लेले आगामी दिनमा नेप्से पुनर्संरचना प्रतिवेदन अध्ययन गरेर सुधारका कार्य अघि बढाइने जानकारी गराए ।
नेपाल ग्रे लिस्टले पर्नु भनेको अन्तर्राष्ट्रिय बदनामी भएको र यसले लगानीको वातावरणमा नकारात्मक असर पार्ने भन्दैे नेपाललाई ग्रे लिस्टबाट बाहिर निकाल्नु सरकारको पहिलो प्राथमिकता भएको बताए ।
सम्पत्ति शुद्धीकरण लगायतका वित्तीय अपराधमा वर्षौंदेखि भएका अनुसन्धान अकाट्य प्रमाणका आधारमा अघि बढेका केसहरू मा आधारित हुन ्। ह्वाइटकल क्रराइमलाई आर्थिक जरिवानानै गर्ने ध्येय हो । संस्था वा व्यक्ति छानेर दुख दिने हाम्रो कुनै नियत छैन । हामी खुलाबजार अर्थनीति मान्छौ। त्यो भनेको छाडा अर्थतन्त्र होइन।
उनले भने, “न्याय निरूपणको काम अदालतबाट हुने हो र कसैलाई लक्षित गरेर कारबाही गर्ने होइन, कानुनअनुसार अघि बढाउने हो ।”
Discussion about this post