काठमाडौँ । नेपाल टेलिकमले सामान्य सेटिङ्ग गरेर जीएसएम प्रिपेड तथा पोस्टपेड मोबाइलमा खरिद गरिएको डाटा व्याक सकिएपछि मेन व्यालेन्सबाट डाटा नचल्ने गराउन मिल्ने व्यवस्था गरेको छ ।
नेपाल टेलिकमले आज एक विज्ञप्ती जारी गरी अब डाटा प्याकेज लिएका ग्राहकले प्याकेज सकिएपछि मेन व्यालेन्सबाट डाटा चन्ने पेजी सेवा आफै सक्रिय वा निष्क्रिय गर्न सक्ने व्यवस्था गरिएको जानकारी गराएको छ ।
यसका लागि ग्राहकले आफ्नो मोबाइलबाट ८४४४३ डायल गर्नुपर्नेछ । त्यसपछि ४ नम्बर छनोट गरे पछि यो सुविधा सक्रिय, निष्क्रिय गर्न र यसको अवस्था थाहा पाउन क्रमशः १, २ र ३ थिच्नुपर्ने कम्पनीले जनाएको छ ।
आगामी दिनमा नेपाल टेलिकम एपबाट समेत यो सेवा सक्रिया वा निष्क्रिय गर्न सकिने विकल्प क्रमशः उपलब्ध गराउने जनाएको छ ।
यसअघि डाटा प्याकेजको भोल्युम वा समयावधि समाप्त भए पश्चात ग्राहकहरुले डाटा सेवाको प्रयोग निरन्तर राखेमा मेन ब्यालेन्सबाट डाटा चल्ने र चलेको भोल्युम अनुसार शुल्क काटिने व्यवस्था थियो ।
अब भने प्याकेज खरिद गरेका ग्राहकहरुले पेजी सुविधा पहिले नै निष्क्रिय गराएको अवस्थामा प्याकेज सकिए पछि मेन ब्यालेन्सबाट डाटा चल्ने छैन । प्याकेज नलिई डाटा चलाउन आवश्यक भएका ग्राहकहरुले भने यो सुविधा सक्रिय राख्न सक्नु हुनेछ ।
यसरी डाटा सेवा निरन्तर प्रयोग गर्दा पेजीमा नजाने व्यवस्थाका लागि विभिन्न माध्यमबाट अनुरोध भएअनुसार नया व्यवस्था गरिएको कम्पनीले जनाएको छ । वर्तमान गृहमन्त्री सुदन गुरुङ्गले पनि नया सरकार गाठन नगर्दे नेपाल टेलिकममानै गएर यस्तो व्यवस्था मिलाउन सुझाव दिएका थिए ।
नेपाल सरकार, मन्त्रिपरिषदको मिति २०८२।१२।१३ को निर्णय बमोजिम नतिजामा आधारित शासकीय प्रबन्ध कार्यान्वयन गर्ने उद्देश्यले सञ्चार तथा सूचना प्रविधि मन्त्रालयको सुधारात्मक कार्ययोजनाको बुँदा नम्बर ४ मा समेत पेजी निष्क्रिय गर्ने विकल्प दिइने’ भन्ने उल्लेख छ । मन्त्रालयको निर्देशन अनुसार कम्पनीले पेजी निष्क्रिय गर्ने विकल्प उपलब्ध गराएको हो ।
डाटा प्याकेज खरिद गरी सेवा उपभोग गर्ने ग्राहकहरुको यसअघि डाटा भोल्युम ८० प्रतिशत खपत भएको अवस्थामा, डाटा भोल्युम समाप्त भए पश्चात वा डाटा प्याकेजको समयावधि समाप्त भए पश्चात ग्राहकहरुलाई जानकारी दिन एसएमएस पठाउने व्यवस्था मिलाइएकोमा अब ९० प्रतिशत खपत भए पश्चात एसएमएस मार्फत जानकारी गराइने जनएको छ ।
यसै गरी टेलिकमले प्रिपेड मोबाइलमा उपलब्ध गराइएका प्याकेजहरुको समयावधि २८ दिनको सट्टा ३० दिन कायम हुनुपर्ने माग भए बमोजिम हाल ‘प्रिपेड कम्बो २९९’ प्याक सञ्चालनमा ल्याइएको छ । रु. २९९ मा उपलब्ध हुने उक्त प्याक प्रयोग गरी सबै नेटवर्कमा ३०० मिनेट कल गर्न, ४ जीबी डाटा चलाउन र कम्पनीको नेटवर्कमा २० वटा एसएमएस पठाउन सकिने छ । आगामी दिनमा ३० दिन समयावधिको अन्य प्याकहरु क्रमशः बनाइने कम्पनीले जनाएको छ ।
Discussion about this post