काठमाण्डौ । काठमाण्डौ उपत्यकामा मेलम्चीको पानी नियमित रुपमा आपूर्ति गर्नका लागि मेलम्चीस्थित रिबर्मा खोलाबाट दैनिक थप आठ करोड लिटर पानी काठमाण्डौ ल्याएर वितरण गर्न सुरु गरिएको छ ।
मेलम्चीको पानी वर्षातको समयमा पनि काठमाण्डौमा नियमित रुपमा सञ्चालन गर्न मेलम्चीस्थित रिबर्मा खोलामा निर्माण गरिएको टयाङ्की सोमबार खानेपानीमन्त्री प्रदीप यादवसहितको टोली उक्त क्षेत्रमा पुगेर सफल परीक्षण गरेका थिए ।
मेलम्ची खानेपानी विकास समितिका कार्यकारी निर्देशक एवं इञ्जिनियर रत्नप्रसाद लामिछानेले परीक्षण सफल भएसँगै मेलम्चीको सुरुङ मार्ग हुँदै सोमबार राति मेलम्चीको रिबर्मा खोलाबाट आठ करोड लिटर पानी काठमाण्डौ ल्याएर मङ्गलबारदेखि नियमित रुपमा वितरण कार्य सुरु गरिएको बताए ।
Discussion about this post